دجاج محمر

موضوع: دجاج محمر الإثنين نوفمبر 19, 2007 1:51 pm

المقادير:
1- دجاجه كامله غير مقطعه, بس طبعاً الزوائد لازم تشيلوها مع عدم إزالة الجلد.
2- روبه واحده
3- علبة معجون طماطم واحده
4- كوب من منقوع (صبار حامض)
5- كوب من الكزبره و الشبت مفرومين
6- خمس فصوص ثوم
7- قطعه صغيره زنجبيل
8- سبع ورق غار طازجه
9- فنجان زيت ذره
10- فلفل حار ( حسب الرغبه)
11- بصله واحده
12- البهارات: ملح, كركم, دارسين مطحون, جوزة الطيب(قليل), قرفه مطحونه, كاري بودر,هيل صحيح, شويه من حبوب الحلوه. والكميه على حسب الذوق الشخصي.
الطريقه:

بعد غسل الدجاجه بالماء الجاري, ندعكهه بكميه من الملح, ونخليها في مشخاله لمدة نصف ساعه إلين ينزل منها الزفر و الدم. نغسلها عدل وننشفها و نخليها في صحن بايركس.

2- نخلط جميع المقادير بالخلاط , ونصبها تحت الجلد وفوقه, ونغطي كل الدجاجه بالخلطه.

3- نغطيها بورق القصدير, ونخليها بالبراد إلين قبل الفطور بثلاث ساعات. يعني تاخذ في التخميره ست ساعات , طلعيها من البراد لين يفتر الصحن, وخليها في فرن ساخن ودرجة حرارته 160 لمدة ساعتين إلا ربع, بعدين شيلي الغطاء, فتحي الشوايه و حمريها من جميع الجهات. وراح تتكون معاه صلصه, حاسبي لا تنشف من الشواي, يعني هبابه ما تتحمر الدجاجه, طلعيها من الفرن.

4- سوي معاه رز أخضر ( رز+ شبت مفروم + باجله خضره), وعند التقديم, نزلي الرز في طبق التقديم, وحطي الدجاجه في الوسط, ونثري عليها شوية شبت مفروم. وخلي الصلصه الناتجه في طبق ثاني , وجمليه بعيدان الشبت, وإكليها مع الرز...

موضوع: رد: دجاج محمر الإثنين نوفمبر 19, 2007 1:55 pm

يسلموووووووووووووو هوقن علي الاكلة الزاكية هذي

شكلها بيفتح النفس

موضوع: رد: دجاج محمر الإثنين نوفمبر 19, 2007 4:50 pm

يسلموووووووووووووووو هوقن علي هالاكلة الحلوة

موضوع: رد: دجاج محمر الجمعة نوفمبر 23, 2007 5:29 am

مشكور هوقن ويسلمووووووووووو الادين